„Подготовката на анализите, студиите, извештаите, заклучоците, предлозите, забелешките и препораките кои потекнуваат од граѓанскиот сектор имаат незаменлива улога во етаблирањето на современото и европско судство.

Тоа се ставови кои со својот јавен авторитет се прифаќаат како облигаторен дискурс на реформските процеси. Граѓанскиот сектор е активен чинител во процесите и столб на сигурноста во одлуките.

Активностите на граѓанските организации како мост помеѓу граѓаните и институциите, претставуваат опсежна опсервација врз работењето на правосудните институции. Таа опсервација е креативна и со присутен ентузијазам, или како што Европскиот суд за човекови права тоа го именува - демократска контрола. Во таа насока, потребно е соработката постојано и поинтензивно да се унапредува“, посочи претседателката Адеми.