Конференција на Мрежата на врховни судови при Европскиот суд за човековите права
ActionsВести
- Почетна
- >
- Вести
Конференција на Мрежата на врховни судови при Европскиот суд за човековите права
Овогодинешната Конференција на Мрежата на врховни судови (SCN) при Европскиот суд за човековите права е посветена на независноста на судството и на заштитата на човековите права и основните слободи.
На денешниот настан беше истакнато значењето од континуираната соработка на врховните судови кои членуваат во Мрежата. Меѓусебната соработка е значаен придонес за солидарноста и единството за развојот на човековите права и основните слободи.
Примарната цел е воспоставување дијалог за важните прашања кои се однесуваат на владеењето на правото, судската независност, почитувањето на човековите права и градењето на судската практика во согласност со стандардите на Европскиот суд за човековите права.
На Конференцијата беше нагласено дека за независноста на судството клучен е интегритетот на судиите, но и дека во таа смисла потребно е да постои реална законска и функционална независност преку доследно почитување на принципот на поделбата на власта.
Тоа претставува суштинска одбрана од влијанијата и обидите за нарушување на интегритетот и независноста на судството, но и гаранција за применувањето на Европската конвенција за заштита на човековите права, според која секој има право на правична судска постапка и на заштита на правата и слободите признати со оваа Конвенција.