„Pa diskutim që është mirë të dëgjohet mendimi ekspert edhe i grupit dhe bashkësisë gjyqësore, duke u nisur prej një nga qëllimet e gjyqësorit, e që është ofrimi i sigurisë juridike në bazë të sundimit të së drejtës. Kryesisht, një nga kompetencat ligjore të Gjykatës Supreme është që të japë mendime dhe propozime të ligjeve dhe rregulla tjera kur me ato rregullohen çështje të rëndësishme për punën e gjykatave”, thekson Ademi.

Kryetarja e Gjykatës Supreme përkujton mendimin e Këshillit konsultues të gjyqtarëve evropian, sipas të cilit gjyqësori duhet të konsultohet dhe të luajë rolin aktiv në përgatitjen e akteve ligjore me rëndësi për funksionimin e sistemit legjislativ.