Д Н Е В Е Н  Р Е Д

1. Усвојување на Записник од седницата на Одделот за граѓански дела одржана на ден 24.09.2024 година;

2. Разгледување и усвојување на Извештајот за движење на предметите во Одделот за граѓански дела за месец август 2024 година;

3. Продолжување со расправа и утврдување текст на правно мислење во врска со правното прашање дали претставува суштествена повреда на парничната постапка од член 343 став 1 во врска со член 246 од Законот за парничната постапка, ако судот определи супервештачење во услови кога нема две спротивставени вештачења;

4. Расправа по барањето на адвокат Цветозар Ристески од Струга, за донесување на правно мислење за примена на одредбите за долг-закупнина и за надомест на штета;

5. Расправа по барањето на Марјанчо Веселиновски од Делчево, за донесување на правно мислење во врска со Законот за експропријација по однос на прашањето дали објектите Големите трговски единици се објекти од јавен интерес и дали врз основа на урбанистички план со кој е планирана градба на Големи трговски единици може да се изгуби сопственост на земјиштетото;

6. Разгледување на поднесокот од Петро Јанура адвокат од Скопје, за барање информација;

7.Разно;

По одржаната расправа, Одделот за граѓански дела:

По првата точка на дневниот ред, го усвои Записникот од седницата на Одделот за граѓански дела одржана на ден 24.09.2024 година;

По втората точка на дневниот ред, го усвои Извештајот за движење на предметите во Одделот за граѓански дела за месец август 2024 година;

По третата точка од дневниот ред, утврди правно мислење во врска со правното прашање;

По четвртата точка од дневниот ред, донесе заклучок дека барањето за донесување правно мислење не се усвојува.

По петтата точка од дневниот ред, расправата се одложи за наредна седница;

По шестата точка од дневниот ред, донесе заклучок дека одговор на барањето на информација треба да се побара од граѓанската писарница согласно Судскиот деловник.