Обраќање на претседателот на Врховниот суд пред седмата генерација завршени кандидати за судии и јавни обвинители
ActionsВести
- Почетна
- >
- Вести
Обраќање на претседателот на Врховниот суд пред седмата генерација завршени кандидати за судии и јавни обвинители
Новости
|
31.3.2023
Претседателот на Врховниот суд на Република Северна Македонија, Беса Адеми, се обрати на свечената церемонија по повод доделувањето на уверенијата на седмата генерација завршени кандидати за судии и јавни обвинители во Академијата за судии и јавни обвинители „Павел Шатев“.
„Потребата од едукација на судиски и обвинителски кадри е посебно актуелна денес во процесот за членство на Република Северна Македонија во Европската интеграција. Европската ориентација на системот на правдата бара менување на правната култура и свест, оспособување и едукација на неговите кадри кои треба да го изразат идејниот дух на вистинската реформа на судството. Обезбедувањето на независни и професионални судии и обвинители е клучен елемент за непристрасно спроведување на законите и враќање на довербата на граѓаните“, истакна Адеми во своето обраќање.