Целта на договорот е воспоставување на меѓу институционална соработка во врска со размената на податоци во електронска форма преку Националната платформа за интероперабилност и во согласност со Законот за електронски документи, електронска идентификација и доверливи услуги.

Претседателката на Врховниот суд на Република Северна Македонија, Беса Адеми и Министерот за внатрешни работи, Панче Тошковски, по потпишувањето на договорот истакнаа дека преку взаемните активности ќе се овозможи користење на електронските услуги и размената на податоци заради побрзо, побезбедно и поефикасно остварување на услугите како значаен аспект на дигитализацијата и интероперабилноста во правосудниот сектор.

Во таа насока, на средбата беше истакнато дека во иднина ќе се интензивира соработката на Врховниот суд на Република Северна Македонија и Министерството за внатрешни работи како важен придонес во интерес на граѓаните, владеењето на правото, борбата против корупцијата и јавната доверба.