Прифаќајќи ја политиката на интегритет, Врховниот суд воспоставува систем на интегритет, спроведување и поддршка на системот за интегритет и следење и известување за примената на системот за интегритет.

Под интегритет се подразбира законито, независно, непристрасно, етичко, одговорно и транспарентно вршење на работи со кои службените лица го чуваат својот углед и угледот на институцијата, ги елиминираат ризиците и ги отстрануваат сомневањата во можноста од настанување и развој на корупција и со тоа обезбедуваат доверба на граѓаните во вршењето на јавните функции и во работата на јавните институции.

Претходно, Врховниот суд на Република Северна Македонија усвои и планирани активности во согласност со Националната стратегија за спречување на корупцијата. Активностите се дел од Годишната програма за работа на Врховниот суд на Република Северна Македонија.

Политиката за интегритет може да се преземе на следниот линк.