На средбата која се одржа во Врховниот суд се говореше за повеќе актуелни прашања кои се однесуваат на унапредувањето на соработката помеѓу судските институции и граѓанските организации како значаен придонес за владеењето на правото, независноста на судството и заштитата на човековите права.

Исто така, на работната средба беа дискутирани и предлозите за Стратегијата за реформи на правосудниот сектор, потребата од измени на законодавството од правосудната област, реформите во делот на процесните закони, унапредувањето на судската практика и примената на стандардите на Европскиот суд за човековите права. Воедно, на средбата беше истакнато дека взаемната соработка и иницијативност се во насока на принципите и заложбите за отворено судство и на реализацијата на поставените реформски цели.