Во Врховниот суд, учениците се запознаа со работата и со  надлежностите на Врховниот суд како највисок суд во државата, како и со функционирањето на судството како носител на власта која се грижи за обезбедување и за афирмација на правната сигурност на граѓаните.

Пред учениците беше акцентирана важноста на судството и улогата на Врховниот суд во остварувањето на правата и слободите на граѓаните и колку тоа придонесува за градење на општество во кое владее правото и еднаквоста.

Во таа насока беше истакнато дека едукацијата за човековите права уште во основното образование е појдовна точка за создавањето на правната култура како основен општествен сегмент на правната држава.