Во Врховниот суд на Република Северна Македонија, оформен е предмет ВКЖ1-23/24, по жалба на осомничениот Б.В., изјавена против решението за продолжување на мерката притвор, во кривичниот предмет за убиството на 14-годишната Вања Ѓорчевска од Скопје.

Советот за казниви дела при Врховниот суд на Република Северна Македонија, постапувајќи по предлогот на осомничениот, истакнат во жалбата изјавена преку бранителот Бојан Манев, адвокат од Велес, закажа јавна седница за ден 29.05.2024 година (среда), со почеток во 11,00 часот во судницата на 1-ви кат во Врховниот суд на Република Северна Македонија.