Kryetarja e Gjykatës Supreme të Republikës së Maqedonisë së Veriut prezantoi Raportin nga vizitat e gjykatave më të ulëta, në të cilin shënohen situatat dhe problemet dhe jepen konstatime përfundimtare dhe rekomandime.

Kryetarja Ademi theksoi se, një konstatim i përgjithshëm nga vizitat e realizuara të gjykatave themelore dhe të apelit është se gjykatat në Republikën e Maqedonisë së Veriut përballen me shumë probleme që shkaktojnë reperkusione serioze në veprimtarinë dhe se është e nevojshme të merren masa urgjente për tejkalimin e situatës së vërejtur e cila është alarmante.

Në periudhën nga 26.04.2024 deri më 12.09.2024, kryetarja e Gjykatës Supreme të Republikës së Maqedonisë së Veriut, Besa Ademi, në bazë të kompetencave ligjore dhe autorizimeve të përcaktuara në Rregulloren gjyqësore realizoi vizitë në gjykatat themelore, në gjykatat e apelit, në Gjykatën Administrative dhe në Gjykatën e Lartë Administrative.

Me vizitat në gjykatat e Republikës së Maqedonisë së Veriut nga kryetarja e Gjykatës Supreme të Republikës së Maqedonisë së Veriut, u mundësua këqyrja e drejtpërdrejtë e situatave në gjykatat dhe informimi për problemet me të cilat përballen gjykatat dhe të cilat shkaktojnë reperkusione në funksionimin e tyre.

Vizitat kishin për qëllim që të avancohet bashkëpunimi ndërmjet gjykatave në Republikën e Maqedonisë së Veriut, bazuar në parimet ligjore dhe ndërkombëtare për pavarësinë e gjyqësorit nga aspekti ligjor, funksional dhe financiar.

Raportet nga vizitat do të publikohen në ueb faqen e gjykatës.