Kryetarja Ademi, në kuadër të vizitave realizoi takim me kryetaren e Gjykatës Themelore Fluturije Dervishi dhe me U.D. kryetar të Gjykatës Themelore Krushevë, Risto Sotirov.

 Në këto takime, u bisedua mbi problemet me të cilat ballafaqohen gjykatat nga aspekti i pajisjes me kuadër të gjyqtarëve dhe kuadrit profesional, për përparimin e efikasitetit dhe përditësimit, nevojën për investime të reja kapitale dhe përparimin e funksionimit të ndërtesave gjyqësore dhe sigurimin e qasjes për qytetarët, mbi nevojën për procesin e vazhdueshëm të arkivimit të lëndëve, zbatimin e teknologjisë informatike, përparimin e transparencës dhe nevojën për takime dhe mbledhje më intensive për përparimin e praktikës gjyqësore.   

Në këto takime u theksua se, gjykatat e vendit patjetër duhet të kenë bashkëpunim të ndërsjellë dhe solidaritet në çështjet që kanë të bëjnë me pavarësinë dhe efikasitetin e gjyqësorit.  

Kryetarja e Gjykatës Supreme, Besa Ademi, në periudhën e ardhshme do të vazhdojë me vizitat e punës në gjykatat themelore dhe gjykatat e apelit nga të gjitha rajonet e apelit në Republikën e Maqedonisë së Veriut.