На Конференцијата се говореше за повеќе актуелни теми од областа на судската практика и унапредувањето на ефикасноста и функционалноста на судските системи, со посебен фокус на кривично-правната проблематика.

Претседателката Адеми во своето обраќање даде осврт на работата на Врховниот суд во поглед на судската практика, усогласеноста со европските стандарди и конзистентноста на судските одлуки, како позитивна констатација во Извештајот на Европската унија и во релевантните меѓународни извештаи. Во таа насока, претседателката на Врховниот суд го нагласи и значењето на меѓународната соработка за унапредувањето на судските системи на регионално ниво.