Duke uruar Ditën e gjyqësorit në emër të saj dhe në emër të Gjykatës Supreme, theksoi se gjykatat dhe gjyqtarët përballen me sfidën e krijimit dhe mbajtjes së vazhdueshme të një sistemi gjyqësor bashkëkohor dhe efikas dhe të një sistemi më të besueshëm te publiku.

„Është më se e nevojshme që të gjithë së bashku të demonstrojmë një angazhim pa hezitim për përparimin e gjyqësorit dhe përforcimin e besimit të publikut. Interesi dhe qëllimi primar i çdo shteti që aspiron të jetë një shtet me kapacitet të plotë demokratik duhet të jetë kujdesi për sigurimin e pavarësisë esenciale, paanshmërinë, autoritetit, dinjitetit dhe pozicionimit adekuat të pushtetit gjyqësor në sistemin e ndarjes së pushtetit”, theksoi ndër të tjera, në fjalimin e saj, kryetarja e Gjykatës Supreme Besa Ademi.