Në kuadër të vizitave, kryetarja Ademi realizoi takime me kryetaren e Gjykatës Themelore Sveti Nikollë, Liljana Dodevska, kryetarin e Gjykatës Themelore Strumicë, Emill Gligorov, U.D. kryetar të Gjykatës Themelore Berovë, Darko Ristov, dhe kryetarin e Gjykatës Themelore Dellçevë, Mile Gjorgjiev.

Kryetarët e gjykatave themelore, e informuan kryetaren e Gjykatës Supreme për disa çështje të rëndësishme për funksionimin e gjykatave, sidomos për problemet lidhur me sigurimin e kuadrit profesional gjyqësor, funksionimin dhe mirëmbajtjen e ndërtesave gjyqësore, përditësimin dhe efikasitetin, çiltërsinë dhe transparencën, proceset e arkivimit të lëndëve dhe përdorimin e teknologjisë informatike.

Theks i veçantë u vu mbi çështjen e unifikimit të praktikës gjyqësore, si dhe për nevojën e përfshirjes më të madhe të profesionit gjyqësor në krijimin e rregullave ligjore në fushën e drejtësisë dhe realizimin e angazhimeve për sigurimin e limitit ligjor për buxhetin e gjyqësorit.

Në fakt, në vizitat e punës u theksua se Gjykata Supreme e Republikës së Maqedonisë së Veriut nëpërmjet vizitave të këtilla e përforcon bashkëpunimin e ndërsjellë dhe solidaritetin dhe se në periudhën e ardhshme Gjykata Supreme do ti bëjë më intensive aktivitetet e përbashkëta me gjykatat më të ulëta, dhe me qëllim për përparimin e pavarësisë dhe efikasitetit të gjyqësorit.    

Kryetarja e Gjykatës Supreme, Besa Ademi, në periudhën e ardhshme do të vazhdojë me vizitat e punës në gjykatat themelore dhe të apelit nga të gjitha rajonet e apelit në Republikën e Maqedonisë së Veriut.