На средбата која се одржа во Врховниот суд се разговараше за активностите кои ќе се реализираат во насока на зајакувањето на владеењето на правото во Република Северна Македонија, посебно во делот на правосудните институции.

Претседателката на Врховниот суд истакна дека соработката во рамките на проектот има исклучително значење за судството во Република Северна Македонија, како и за континуираните заложби кои се однесуваат на унапредувањето на независноста, ефикасноста, квалитетот на правдата, транспаретноста и меѓународната соработка.

Во таа насока, Адеми ги претстави активностите на Врховниот суд во поглед на унапредувањето на судската практика, утврдувањето на начелните ставови кои се нотирани во меѓународните извештаи, примената на европските стандарди, работата на Советот за отворено судство, заложбите и предлозите за подобрување на законодавството со посебен акцент на Стратегијата за реформи на правосудството, иницијативите за законски измени, комуникацијата и соработката со граѓанскиот сектор, заложбите за зголемена транспарентност и предлозите во врска со подобрувањето на АКМИС-системот и архивското работење во целост.

Како долгогодишен судија, правен експерт и претставник на проектот, д-р Грегорж Борковски, истакна дека заложбите на Врховниот суд на Република Северна Македонија говорат за посветеноста која ја има највисокиот суд во државата кон фундаменталните прашања за функционирање на судството во согласност со принципите на независност, ефикасност и транспарентност.