Средба на Судскиот совет со 

членови на Судско-медиумскиот совет

Денес во Судскиот совет на Република Северна Македонија се одржа средба помеѓу претседателот на Советот Сашко Георгиев, четворица членови на Судско-медиумскиот совет, Претседателот на Основниот кривичен суд Скопје Иван Џолев и судијата на Основниот граѓански суд Скопје Емилија Шопар и новинарите Михаела Димовска од Канал 5 и Зоран Јаневски од ТВ Сител.

На средбата се дискутираше за транспарентоста и за заложби за поголема транспарентност во јавноста, воедно имајќи го во предвид меморандумот за соработка, по што Претседателот на Советот и претставниците од Судско-медиумскиот совет се договорија во иднина да ја надградат соработката и редовно и навремено да се известуваат работите од интерес за јавноста од работењето на Судскиот совет на РСМ, за седниците на Советот и за судството воопшто.