СООПШТЕНИЕ ЗА ЈАВНОСТ

08.11.2024 година

Основниот граѓански суд Скопје со Факултетот за правни и политички науки при Американскиот Универзитет на Евроепа -ФОН Скопје, склучи МЕМОРАНДУМ ЗА СОРАБОТКА, за учебната 2024/2025 година.

Во рамките на имплементација на Меморандумот за соработка, студентите од наведениот факултет во пеиодот во месец ноември, ќе извршат посета на Основниот граѓански суд Скопје, при што истите ќе бидат запознаени со организацијата, делокругот на работата и надлежностите на судот. Целта на Меморандумот е овозможување и реализација на активности поврзани со можности на стекнување на практични знаења на студентите, едукација, образование, усовршување на способности, низ призмата на праксата со конкретни предмети, при што истите ќе имаат можност да се информираат за работењето на судот.

Реализацијата на Меморандумот за соработка е и еден од начините за одржување и унапредување на транспарентноста на судот, преку непосредна соработка на вработените со студентите за реализација на пракса и стекнување со практични знаења во рамките на делокругот на работа во Основниот граѓански суд Скопје.

ОСНОВЕН ГРАЃАНСКИ СУД СКОПЈЕ