Посета од Проектот „Поддршка на ЕУ за владеење на правото“
ActionsВести
- Почетна
- >
- Вести
Посета од Проектот „Поддршка на ЕУ за владеење на правото“
Risi
|
15 Qer 2023
Работна средба со претставници од компонента 1 на Проектот „Поддршка на ЕУ за владеење на правото“
На ден 14.06.2023 во Основен суд Кавадарци беше остварена работна средба со претставници од компонента 1 на Проектот „Поддршка на ЕУ за владеење на правото“ финансиран од Европската Унија и спроведуван од Институтот за фундаментални и човекови права Лудвиг Болцман, Министерството за внатрешни работи на Република Словенија, Министерството за правда и јавна администрација на Република Хрватска и Центарот за меѓународна правна соработка.
На состанокот присуствуваа лидерот на компонентата д-р Grzegorz Borkowski судија од Република Полска, г-дин Miroslaw Giembicki експерт за ИТ системи од Република Полска и г-дин Боро Илкоски задолжен за поддршка на Јавното обвинителство.
Компонентата 1 од проектот е задолжена за поддршка на правосудните институции и унапредување на капацитетите со цел испорачување правда на транспарентен и одговорен начин. Во текот на состанокот гостите се запознаа со работата и активностите на Основен суд Кавадарци, како и со функционалноста на ИКТ системот, како во Основен суд Кавадарци, така и генерално во правосудството во РСМ. Тие имаа можност и непосредно да се запознаат со начинот на користење на ИКТ алатките во судот.
Основен суд Кавадарци се заблагодарува на помошта што овој проект ја нуди за правосудството.